Обединетите нации преку својата официјална страница на Фејсбук им оддадоа признание на македонските мировници кои учествуваат во мировните мисии ширум светот.
„Мировниците на ОН од Македонија #ServingForPeace со Обединетите нации делуваат на голем личен ризик и во тешки услови за да им помогнат на другите. Им благодариме за нивната услуга и пожртвуваност“, стои во објавата.
Со оваа порака, ОН ја истакнаа важноста на ангажманот на македонските претставници во заштитата на мирот и безбедноста во нестабилни региони, како и нивниот придонес кон глобалната солидарност и хуманост.