Лидерот на ВМРО-ДПМНЕ, Христијан Мицкоски денеска на прес конференција истакна дека кандидатот на партијата за градоначалник на Град Скопје е актуелниот градоначалник на Кисела Вода, Орце Ѓорѓиевски.
„Одлуката на Орце се темели на неколку клучни факти. Прво анкетите покажуваат дека тој води убедливо, дури и 5 повеќе од било кои од решенијата што се спомнуваат од СДСМ. Одлуката за него е тоа што тој како градоначалник на Кисела Вода со својата максимална посветеност, работливост и постојано на терен покажа и докажа дека умее и сака да работи за граѓаните. Јас можам да кажам дека е исклучително мотивиран најпрво да победи, а потоа и да победува секој ден за градот и скопјани“, порача Мицкоски.