Кога го кажуваме тоа, не мислиме на гатање, туку на потрага по симптоми на вистински болести, кои можат да се забележат со едноставно ракување и гледање во дланката. Продолжете да читате ако сакате да знаете што открива состојбата на вашите дланки за вашето здравје…
Слабо ракување
Во деловниот свет, слабото ракување е знак дека некој можеби нема да го почитува договорот. Во однос на здравјето, слабиот стисок е симптом на намалена сила на вашите раце, што укажува на можно постоење на мускулна или срцева болест. Доколку забележите дека не можете да ја стискате тупаницата силно како порано, задолжително консултирајте се со лекар.
Црвени дамки
Псоријазата е незгодно заболување на кожата, кое често прво се појавува на дланките. Ќе го препознаете по црвените дамки на кожата, а понекогаш и на ноктите. Оваа болест се поврзува со артритис и кардиоваскуларни заболувања, поради што не треба да одолговлекувате доколку ги забележите нејзините симптоми и веднаш да закажете преглед кај дерматолог.
Сини прсти
Дали ви се преплавуваат прстите кога сте настинати или кога сте под стрес? Рејно-овата болест е феномен каде што ненадејната промена на температурата или стресот предизвикува состојба во која протокот на крв во прстите привремено престанува. Како резултат на тоа, доаѓа до пецкање и промена на бојата на кожата на прстите, а понекогаш и болка.
Раце што треперат
Треперењето може да биде предизвикано од вообичаени причини, како што се несоница, прекумерно консумирање кафе или алкохол и лоша реакција на одредени лекови. Сепак, треперењето може да биде и симптом на посериозни болести, како што е Паркинсоновата болест.
Болен оток на дланката
Болката на дланката во комбинација со оток може да биде знак за многу здравствени проблеми, особено ревматоиден артритис, лупус, васкулитис, склеродермија и воспалителна болест на цревата.
