Денеска во Собранието на Република Македонија, формираната работна група за помирување и интеграција, ќе го има првиот состанок. Состанокот ќе започне во 11:30 часот во Сала 4.
Парламентарната група се формираше по повод помирување за настаните на 27 април и настаните во Собранието на Македонија. На првиот собир на парламентарната група присуствуваше и премиерот Зоран Заев кој тогаш истакна дека од сите засегнати страни има волја за помирување, но дека не смеат да се поминуваат црвените граници.
