Употребата на внатрешни печки на дрва или камини драматично го зголемува ризикот кај жената од развој на рак на белите дробови. Тоа се зголемува за 43% во споредба со жените кои не користат ваков тип на греење, покажа едно американско истражување.
Во Обединетото Кралство, секој 13 маж и една од 15 жени родени по 1960 година се очекува да бидат дијагностицирани со рак на белите дробови во одреден период од нивниот живот. За САД, оваа статистика е еден од 16 мажи и една од 17 жени.
Американската студија укажува дека почестото користење на шпорети и камини со дрва драстично го зголемува ризикот од заболување. За луѓето кои користат греење на дрва повеќе од 30 дена во годината, ризикот се зголемува за 68% во споредба со оние кои не го користат.
Податоците дојдоа од следење на здравјето на 50.000 Американки кои имале сестри со рак на дојка.
„Целта на студијата беше да се идентификуваат и следат генетската предиспозиција и еколошките ризици во болеста на ракот на дојка, но во исто време може да се обезбеди проценка и на други болести. Ракот на белите дробови е водечка причина за смрт од рак кај жените во САД“, вели д-р Сури Мехта од Националниот институт за здравство и здравствени науки.
Новата студија додава повеќе докази дека согорувањето на дрва за греење е лошо за нашето здравје.
Во октомври 2006 година, Меѓународната агенција за истражување на ракот го класифицираше чадот од согорување на дрво како потенцијално канцероген.