Петмина Руси кои ја избегнале воената служба во својата земја со месеци се блокирани на меѓународниот аеродром Инчеон во Јужна Кореја, јавува Си-Ен-Ен.
Причината е што властите во Јужна Кореја одбиваат да ги примат.
Тројца од мажите пристигнаа во октомври, а другите двајца во ноември.
Нивниот адвокат, Ли Јонг-чан, рече дека нивните барања за статус на бегалци биле одбиени од Министерството за правда на Јужна Кореја, оставајќи ги заглавени во зоната на заминување со месеци додека ја чекаат одлуката за нивната жалба.
„Им се обезбедува храна еднаш дневно. Остатокот од денот јадат само леб“, рече адвокатот.
Мажите можат да се тушираат, но мора да ја перат облеката рачно. Не им е дозволено да ги напуштат појдовните и бесцаринските зони. Мажите исто така имаат ограничен пристап до медицинска нега.