По две години бегство, полицијата денеска го лиши од слобода 44-годишниот С.И. од Скопје, кој бил баран со централна потерница за издржување затворска казна од пет години.
Од Секторот за меѓународна полициска соработка – Отсек за потрага, во содејство со Интервентната полиција, лицето било пронајдено и лишено од слобода околу 05:30 часот во село Арачиново.
С.И. се барал со централна потерница поради кривично дело „неовластено производство и пуштање во промет наркотични дроги, психотропни супстанции и прекурсори“, предвидено во член 215 став 3 од Кривичниот законик.
За делото тој бил осуден на казна затвор во траење од пет години, а според полицијата, бил во бегство од 2024 година.
По лишувањето од слобода, лицето било предадено во Полициската станица за општа надлежност Гази Баба за понатамошна постапка.