На 21 ноември го славиме Архангел, ден посветен на Свети Архангел Михаил
Православните верници во четврток го слават Свети Архангел Михаил, празник меѓу народот познат како Архангел. Домаќинствата кои слават мора да имаат празнична свеќа, колач што се пече во домот каде се одржува прославата и секако жито за тој ден.
Свети Архангел Михаил е симбол на борбата против злото, а на иконите и фреските е претставен како небесен воин во воена опрема, со меч, копје и зол дух кој, врзан со синџири, лежи пред неговите нозе.
Неговиот култ настанал во III век и се развил најпрво во Фригија. Како празник, Денот на Архангел е востановен еден век подоцна, во времето на Силвестер Први Римски и патријарх Александар Александриски.
Луѓето веруваат дека времето на Архангел покажува како ќе биде во текот на зимата и пролетта. Се верува дека овој зимски светец скита наоколу маскиран во просјак и ги води неверниците на вистинскиот пат.
Во четврток задолжително одете во црква и запалете свеќа. Молете се на ангелот. На овој ден, во текот на денот, замолете го ангелот да ви ја исполни најдлабоката и најважна желба. Отворете ја душата и срцето, споделете радости и таги и на крајот кажете благодарам. Небото прима молитва цел ден.
