Хрватскиот полициски синдикат (СПХ) во петокот апелираше за зајакнување на системот преку три клучни сегменти – образование, безбедност и правда и кривична одговорност поради нападот во основното училиште во Загреб, велејќи дека за ваквите злосторства е потребна најстрога казни и итни мерки од општеството.
„Ваквите настани ги тресат темелите на нашето општество и бараат најостра осуда, но и итна акција за да се спречи нивното повторување. СПХ со години предупредува дека Хрватска не е изолиран остров, туку дел од глобален систем во кој безбедносните предизвици стануваат се покомплексни“, соопшти Хрватскиот полициски синдикат (СПХ).
За жал, додаваат тие, ваквите кривични дела биле прашање на време, а не исклучок. Оттука, СПЗ апелира да се зајакне системот преку три клучни сегменти – образование, безбедност и правда и кривична одговорност, порачувајќи дека Хрватска мора да стави крај на насилството во која било форма.
Бараат најстроги казни за ваквите дела, вклучително и минимална казна од 50 години, без разлика на возраста на сторителот, а сметаат и дека треба да се преиспита исклучувањето на кривичната одговорност за лицата помлади од 14 години бидејќи законската рамка мора ја одразуваат сериозноста на овие злосторства.
Од СПЗ сметаат и дека има потреба од систематска едукација на учениците и нивните родители, како и на наставниците, стручните соработници и секој што работи со млади.
„Превенцијата започнува со разбирање и препознавање на потенцијално опасни однесувања“, изјавија тие. Зборувајќи за безбедноста, тие рекоа дека полицијата мора да стане дел од заедничкиот одговор на овие предизвици, но не со дејствување откако веќе се случила трагедијата.
„Потребно е да се зајакне довербата меѓу граѓаните и полицијата за навреме да се препознае девијантното однесување. Ги повикуваме граѓаните отворено да споделуваат информации за сомнителни ситуации кои можат да ја загрозат безбедноста на заедницата“, посочуваат од СПЗ.
Наведоа дека сега е клучно да се обезбеди итна и професионална психолошка поддршка на децата, нивните семејства и училишниот персонал за да се ублажат последиците од овој трауматичен настан и да се овозможи враќање во безбедна училишна средина.
„Ние како општество не смееме да толерираме вакви злосторства или да ги релативизираме. Секој поединец и институција има одговорност да придонесе за побезбедно општество каде децата ќе растат без страв“, соопшти СПХ и изразува сочувство до семејството на загинатиот ученик и до сите погодени од таа страшна трагедија.
