Полската министерка за клима и животна средина Ана Москва изјави дека земјите кои плаќаат руски природен гас во рубли треба да бидат казнети.
„Унгарија, Австрија и Германија ги блокираат руските санкции и се надевам дека овие земји ќе бидат повикани на одговорност од Европската комисија“, рече Москва на прес-конференција.
Осврнувајќи се на прекинот на рускиот природен гас, Москва рече: „Она што недостасува е целосни санкции против рускиот гас. Ова ќе ги реши сите проблеми со Гаспром, ова е нашето очекување“.
Москва најави дека гасоводот, познат како „Балтичка линија“, со годишен капацитет од 10 милијарди кубни метри, кој ќе пренесува норвешки гас во Полска, ќе биде пуштен во употреба во септември.
Полската јавна енергетска компанија ПГНИГ СА објави дека Гаспром го прекина снабдувањето со гас до гасоводот Јамал на 27 април.
