За време на месечарењето, луѓето обично ги повторуваат секојдневните активности: станување од кревет, соблекување, облекување, движење низ домот…
Сомнабулизмот е едно од нарушувањата на спиењето – таканаречените парасомнии. Парасомниите се нарушувања кои се карактеризираат со различни форми на краткорочни несакани и непредвидливи активности за време на спиењето или во транзициите помеѓу спиење и будност.
За време на месечарењето, луѓето обично ги повторуваат секојдневните активности: станување од кревет, соблекување, облекување, движење низ дома… Сепак, месечарите ретко наидуваат на посложени активности како готвење, водење љубов, возење автомобил – сето тоа за време на спиење. Овие дејства може да траат од неколку секунди до 30 минути, а понекогаш и подолго.
„Месечарите се во средината на никаде: половина будни, половина заспани“, вели Карлос Шенк од Регионалниот центар за нарушувања на спиењето во Минесота.
Тој додава дека во текот на месечарењето мозокот произведува делта и тета бранови кои покажуваат дека личноста е во полусвесна состојба.
Месечарењето обично се одвива во третата и четвртата фаза од РЕМ фазата.
Сомнабулизмот најчесто се јавува кај децата, а дури 17 отсто од децата на возраст од 11 до 12 години барем еднаш месечарат, додека кај 2,5 отсто од возрасните стресот, недостатокот на сон и нередовниот сон ја предизвикуваат оваа необична појава.
Сепак, месечарите често се изложени на ризик за време на оваа состојба.
„Тие можат да си наштетат себеси и на другите, а понекогаш дури и да покажат агресивно однесување кон себе и кон другите“, вели Шенк.
Ако некој ваш близок е месечар – дали треба да го разбудите?
Вистина е дека месечарите спијат толку цврсто што нема ни да реагираат на вашите обиди да ги разбудите.
Меѓутоа, доколку успеете да ги разбудите, тоа кај нив ќе предизвика дезориентација и стрес. Затоа, будењето не може да ги убие, ниту пак предизвикува инфаркт или кома, но препорачливо е да не ги будите.
Полека вратете ги во кревет и тие ќе продолжат да спијат сосема нормално, а наутро нема да паметат ништо.
