Денеска во Скопје се потпиша Договорот за грант во износ од 68.6 милиони евра наменет за ко-финансирање, доделен од ЕУ преку Инвестициската програма на Западен Балкан (ИПЗБ).
Грандот ќе биде искористен за ко-финансирање на приближно 34 километри железничка инфраструктура од Бељаковце до Крива Паланка, втора фаза од проектот за Коридор 8 кој откако ќе биде финализиран, ќе биде дел од Транс-Европската транспортна мрежа, поврзувајќи ја Македонија со Албанија на запад и Бугарија на исток.
Првата фаза на проектот, рехабилитација на железничкиот сектор во должина од околу 31 километар помеѓу Куманово и Бељаковце, е во фаза на имплементација. Втората фаза на активности поврзани со набавки веќе започна, и се избира изведувачот кој ќе ги реализираат работите поврзано со проектот.
ИПЗБ обезбедува и грантови за техничка соработка во износ од €5.7милиони, за подготовка на проекти и имплементација.
На церемонијата на потпишување на Договорот за грант присуствуваа Горан Сугарески, Министер за транспорт и врски, Драган Тевдовски, Министер за финасии, Самуел Жбогар, Амбасадор на ЕУ Делегацијата и Анка Јоана Јонеску, Претставник на ЕБОР за Македонија.