Во експлозија во хемиска фабрика во јужен Иран повредени се повеќе од 100 луѓе, главно полесно, јави денеска иранската државна телевизија.
Пожарникарите набрзо успеале да го изгаснат пожарот, а според провинцискиот здравствен претставник, од 133 повредени кои биле префрлени во локалните болници, 114 подоцна биле пуштени по лекување.
Истекувањето од резервоарот за амонијак предизвика експлозија во понеделникот вечерта, во јужниот град Фирузабад во провинцијата Фарс, кој се наоѓа на околу 770 километри јужно од главниот град Техеран.