Во раните утрински часови денеска избувна пожар во куќа во скопското село Љубанци, информираат од Министерството за внатрешни работи.
Пожарот бил пријавен во СВР Скопје во 04:58 часот, а зафатил семејна куќа во сопственост на 87-годишниот Љ.С. Според информациите од полицијата, во инцидентот нема повредени лица.
На терен интервенирала екипа на Бригадата за противпожарна заштита на Град Скопје, која успеала целосно да го локализира и изгасне пожарот.
По настанот бил извршен увид, а причините за избувнувањето на пожарот ќе се утврдуваат дополнително.