Претседателот на Владата на Република Северна Македонија Димитар Ковачевски денеска ќе се сретне со европратеничката и лидерка на Прогресивната алијанса на социјал демократи во Европскиот парламент, Ираче Гарсија Перез.
По состанокот премиерот Ковачевски и европратеничката Перез ќе одржат заедничка прес-конференција во Медија центарот на Владата.
Прогресивната алијанса на социјалдемократи во Европскиот парламент брои 145 европратеници и е втора по влијание група во Парламентот. Се залага за социјалдемократските вредности, а приоритети и се обезбедување на основните социјални права за секого, праведен даночен систем, промоција на еднакви можности, фер третман за мажите и жените и борба против сите форми на дискриминација, инклузивна дигитална унија за Европа и чиста и достапна енергија за секој европски граѓанин.