Премиерот на Шпанија Педро Санчез денеска пристигна во официјална посета на Босна и Херцеговина.
На аеродромот во Сараево го пречека министерката за надворешни работи на БиХ Бисера Турковиќ.
Издвоено од 4ТВ Shorts
– Му посакав добредојде, истакнувајќи ја важноста од зајакнување на односите меѓу БиХ и Шпанија. Очекуваме успешна посета и континуирана добра соработка, напиша Турковиќ на Твитер.
Премиерот на Шпанија денеска пристигна во посета на Босна и Херцеговина, во рамки на турнејата низ Западен Балкан.
Најавено е дека во Сараево ќе се сретне со членовите на Претседателството на БиХ, а потоа ќе има средби и со претставници на државниот парламент и градските власти.
Во попладневните часови Санчез треба да отпатува за Мостар.
