Утре Скопје повторно ќе биде под блокада, откако приватните превозници денеска најавија дека ќе го блокираат булеварот Илинден, од Владата до крстосницата со булеварот „8-ми септември“. Ова го најави Ленин Јовановски од „Слобода Превоз“ на денешната прес-конференција.
Блокадата ќе биде со 200 автобуси кои ќе ја зафатат само десната лента од булеварот кој го опфаќа и седиштето на Град Скопје. Целта е да се најде решение со Град Скопје за долгот кој го има кон приватните превозници „Слобода Превоз“ и „Мак експрес“. Блокадата треба да започне во 6 часот наутро.
Јовановски не кажа кога ќе завршат блокадите, односно најави дека доколку не се најде решение, можно е да има блокирање и за викенд.
