Една од првите масовно произведени новогодишни елки, наречена „најскромното дрво на светот“, е продадена на аукција во Велика Британија за 3.400 фунти, иако чинела шест пени при купувањето во 1920 година.
Дрвото го украсуваше домот на Дороти Грант како новогодишна елка од осумгодишна возраст до нејзината смрт на 102-годишна возраст, по што стана сопственост на нејзината ќерка Ширли Хол во 2014 година.
Дрвото, високо 79 сантиметри со 25 гранки, се очекуваше да се продаде за 60 до 80 фунти, но на аукцијата Хансон достигна цена од 3.400 фунти, пишува Гардијан.
– Ова е една од најстарите новогодишни елки од тој вид што сме ја виделе. Мајката на Дороти Грант го купила дрвото во 1920 година, а Ширли мисли дека можеби е купено во продавница во Лондон. Тоа потсетува на првите масовно произведени новогодишни елки направени од популарната стоковна куќа Woolworths. Сепак, црвената декорација на дрвената основа е различна од примерите на Woolworths продадени порано. Можеби дрвото на Дороти е произведено за скапа стоковна куќа во Лондон, изјави Чарлс Хансон, сопственик на аукциската куќа Дороти.
Хансон додаде дека дрвото е симбол на пораката на старите генерации за вреднување на едноставни работи кои не треба да се менуваат само затоа што тоа е можно.
