Во Основниот кривичен суд Скопје денеска продолжи судењето за случајот „Државна лотарија“, во кој се обвинети поранешниот вицепремиер Артан Груби, поранешниот директор на Лотарија Перпарим Бајрами и уште шест лица. Рочиштето, според информациите од судот, влегува во доказна постапка со сослушување сведоци на јавното обвинителство.
Особено внимание привлекува развојот од претходното рочиште, кога ексдиректорот на Лотарија Владо Петковски го сменил својот исказ. Иако бил предложен како сведок од обвинителството, наместо да сведочи во негова полза, изнел детали и информации што, според кажаното во јавувањето, оделе во корист на одбраната. Поради тоа, бил прогласен за „непријателски сведок“.
Се очекува и денешните сведочења да бидат значајни за натамошниот тек на постапката, со оглед на претходниот пресврт во исказите.