Промоција на тројазична книга за деца на македонски, албански и босански јазик - 4NEWS.mk
Поврзи се

Македонија

Промоција на тројазична книга за деца на македонски, албански и босански јазик

Тројазичната книга за деца „Сонливи приказни од тајната шума“ ќе биде промовирана на Саемот на книгата в недела (12.05.2019) во 11 часот. Авторка на книгата е Алма Растодер.

Содржината е поделена на раскази и песнички во три дела: на македонски јазик, на босански јазик и на албански јазик. Ликовите во расказите се две дечиња, сестричка и братче кои од секојдневни ситуации, одеднаш се наоѓаат во волшебната шума каде преку фантастични случки, ги решаваат своите детски проблеми и прашања. Од тие случки извлекуваат поуки кои важат за сите дечиња и им се блиски за периодот кога растат и се развиваат. Генерално, расказите и поуките извлечени од нив лесно можат да бидат искористени од родителите, кои преку читањето ќе им укажат на децата на вредностите што едно дете треба да ги има.

Во расказите е потенцирано дека децата не треба да имаат предрасуди за другиот, кој е различен од нив. Промотор е проф.д-р Владимир Мартиновски, а настанот ќе го збогатат децата од Тинтири – Минтири шоу.

Издавач на „Сонливи приказни од тајната шума“ е ЕДУКА МАК. Издавањето е поддржано од Министерството за култура. Книгата е адаптирана и печатена на Браево писмо, со поддршка на проектот на УСАИД и ЛЦИФ за децата со пречки во видот кој се имплементира преку Универзитетот на Југоисточна Европа.

Саемот на книгата се одржува во ВИП АРЕНА „Борис Трајковски“.

Реклама
Реклама
WP Facebook Auto Publish Powered By : XYZScripts.com