На патот Охрид – Ресен, односно кај с. Буково утрово во 6 часот е пронајден угинат балкански рис.
Се работи за возрасна женка.
„Надлежните служби извршија теренски увид во соработка со Македонско еколошко друштво и Државен Инспекторат за животна средина. Угинатата рисица ќе биде однесена на обдукција во Скопје на Факултетот за ветеринарна медицина при УКИМ, Скопје“.
Инаку, Балканскиот рис е строго заштитен и критично загрозен вид на територијата на државата, а секој ваков случај претставува сериозна загуба за биолошката разновидност.