Телата на маж и шестгодишно девојче се пронајдени во куќа во близина на Единбург, соопшти итната помош.
Противпожарните екипи ја скршиле вратата од имотот на Харбурн Драјв во Западен Калдер, откако добиле повик за помош околу 16.05 часот во понеделникот. На местото на настанот се пронајдени телата на 36-годишен маж и шестгодишно девојче. Од полицијата потврдија дека смртта се води како „неразјаснето“ и најавија дека во наредниот период ќе биде извршена обдукција.
Покрената е истрага за да се утврдат околностите на трагичниот настан, а полицијата ги повика жителите да ги дадат сите информации кои можат да помогнат. Главниот инспектор на полицијата во Шкотска, Елејн Мекартур-Кер, командант на локалната област, рече: „Разбираме дека овој инцидент може да предизвика голема вознемиреност и загриженост кај членовите на јавноста и ќе замолиме секој што има каква било загриженост да разговара со нас“.
Таа додаде дека присуството на полицијата во областа ќе биде зголемено во текот на истрагата и дека секој што има информации или загриженост може да контактира со присутните полицајци. Од полицијата потврдија дека се известени роднините на починатиот и дека им била укажана поддршка од специјализирани екипи.
