Протести во Хонг Конг, полицијата употребуваше гумени куршуми

Ескалираа протестите во Хонг Конг кода демонстрантите се обидоа да влезат во Парламентот. Полицијата успеа со гумени куршуми и со палки да го спречи упадот. Демонстрантите ги блокираа улиците околу Парламентот, и полицијата ја гаѓаа со тврди предмети. Има и повредени.

Медицински екипи се на терен, а медиумите пишуваат дека дел од демонстрантите успеале да влезат во Парламентот.

Во Хонг Конг со денови се одржуваат протести поради воведувањето нов закон за екстрадиција. Измените треба да ја направат процедурата поедноставна за одобрување на екстрадиција на бараните осомничени на други земји.