Рускиот претседател Владимир Путин денес го потпиша законот за повлекување на Русија од договорот со САД за отстранување на плутониум, кој Москва претходно го суспендираше во 2016 година, според руските медиуми.
Целта на Договорот за управување и отстранување на плутониум (PMDA) беше да се намалат големите залихи на плутониум што останаа од Студената војна, со цел да се спречат Русија и САД да произведуваат дополнително нуклеарно оружје.
Овој потег на Путин следеше по заладувањето на односите со американскиот претседател Доналд Трамп, кој го изрази своето разочарување поради одбивањето на неговиот руски колега да го прифати мировниот договор во Украина, објавува „Москва тајмс“.
Путин го потпиша законот за повлекување на Русија од договорот со САД за отстранување на плутониум
