Утрото откако потона, единствениот показател дека популарниот сплав бил таму се зборовите „Картел“ на неговиот влез, кои се надвор од водата. Сплавот е речиси целосно потонат, само мал дел од предниот дел излегува од водата.
Над површината на водата има само покрив, а единствениот дел од сплавот кој останал прицврстен за брегот е мостот од кој сплавот се одвоил кога луѓето почнале масовно да си заминуваат откако избила тепачка за време на концерт.
На сплавот биле оставени работите на луѓето кои во паника избегале, дури и пари, чевли…
Да потсетиме, надлежните прво добиле повик за тепачка на сплав, а потоа почнал да тоне.
Токму затоа синоќа на терен биле припадници на жандармеријата, речната полиција и 25 припадници на противпожарната екипа, кои интервенирале и ги извлекле оние кои скокнале во реката и се обиделе да испливаат до брегот од Сава.
Евакуирани се 30 млади луѓе
Евакуирани се повеќе од 30 млади луѓе, а само од чиста среќа нема сериозни повреди. Десет малолетници биле згрижени на лице место и нивните родители дошле да ги земат.
Лука Чаушиќ, началник на Одделот за вонредни состојби на МВР на Србија, вели дека спасувачката екипа за рекордно време стигнала до сплавот „Картел“ на Сава кеј.
Чаушиќ синоќа немаше информации дали има жртви на сплавот „Картел“, кој, инаку, почна да тоне во моментот кога на него имаше голем број млади луѓе на концертот на раперот Цунами.
