Бугарскиот претседател Румен Радев денеска заминува во посета на Истанбул на покана на претседателот на Република Турција, Реџеп Таип Ердоган. Двајцата претседатели ќе остварат работна средба, соопштија од прес-службата на Претседателството.
Се очекува шефовите на држави да разговараат за повеќе прашања, меѓу кои и соработката на полето на економијата, енергетиката, миграцијата и безбедноста, како и транспортното поврзување меѓу двете земји.
Предвидено е претседателот Радев да ја посети турската компанија за одбранбена индустрија „Бајкар“, по што во палатата Вахдетин е предвидена билатерална средба меѓу шефот на бугарската држава и неговиот турски колега Ердоган. Предвидени се и разговори меѓу бугарската и турската делегација, по што се очекува двајцата шефови на држави да дадат изјави за медиумите.