Премиерот Христијан Мицкоски за време на посетата на Унгарија, во Будимпешта денеска положи венци на Меморијалниот споменик на унгарските херои.
„Нека ова положување венци биде симбол на пријателството, благодарноста и заедничките вредности што ги споделуваат Северна Македонија и Унгарија“, се вели во објавата на Фејсбук-страницата на премиерот Мицкоски.
Од фотографиите објавени на Фејсбук се гледа дека со Мицкоски во Будимпешта се присутни само дел од министрите и заменик-министрите во Владата.
Во владината делегација која денес и утре ќе учествува на унгарско-македонскиот владин самит се министрите од ВМРО-ДПМНЕ и коалицијата „Твоја Македонија“, но не и министрите од ЗНАМ и коалицијата „ВРЕДИ“.
