Швајцарските власти најавија пакет мерки за финансиска поддршка по трагичниот пожар што избувна на новогодишната ноќ во бар во ски-центарот Кранс-Монтана. Во несреќата загинаа 41 лице, а 115 беа повредени.
Според одлуката на владата, ќе бидат исплатени по 56.000 долари за секое лице што починало или било хоспитализирано како последица на пожарот. Од Владата наведуваат дека станува збор за чин на солидарност и поддршка кон семејствата погодени од трагедијата.
Со цел процесот на обесштетување да се одвива побрзо и без долги судски постапки, најавена е средба меѓу семејствата на жртвите, повредените, претставници на владата и осигурителните компании. За оваа намена се предвидени вкупно 20 милиони долари.
Дополнително, 8,5 милиони долари ќе бидат распределени на кантоналните власти за покривање на трошоците поврзани со итните интервенции и последиците од пожарот.
Според официјалните информации, пожарот настанал кога таванот на барот се запалил од искри од прскалки. Меѓу загинатите има и тинејџери и странски државјани кои престојувале во ски-центарот за време на празниците.
