Претседателката Гордана Сиљановска Давкова изјави дека, по колективната оставка на Комисијата за помилување, се започнати разговори за нов состав, но не се брза со формирањето. Оставката била поднесена поради лични и професионални причини.
Во тек се консултации со експерти и невладин сектор за да се создаде адекватна структура на новата Комисија. Сиљановска Давкова нагласи дека помилувањата се базираат на заштита на човековите права и дека судот треба да ги разгледа сите релевантни аспекти за осудените.
„Јас верував и се уште верувам дека луѓето и кога се во затвор се луѓе, можеби се расчовечиле во некој момент, но не треба да заборавиме дека тие се граѓани, гласаат и затоа постои правото на помилуање. Секој треба да добие шанса за социјализација и ресоцијализација“, вели Сиљановска Давкова истакнувајќи важноста на правото на помилување.