Италијанскиот амбасадор во земјава Андреа Силвестри денеска истакна дека за Северна Македонија сега започнува патот кон Европската Унија.
Тој вели дека се поддржуваат историската и јазичната посебност.
Сега започнува патот кон заедничкиот европски дом, пат до кој како Италија сме подготвени да соработуваме и на билатерално ниво, преку иницијативи како оваа, кои ќе го олеснат запознавањето со нашиот општествено-политички систем, како и од другата страна, подлабоко разбирање на македонското општество, на неговиот длабоко вкоренет идентитет и неговата посебност, вклучително и историска и јазична, изјави италијанскиот амбасадор во земјава Андреа Силвестри.