Џејми Оливер предлага одличен рецепт за смуди кое ќе направи чуда за вашиот организам. За да бидете фит и здрави важно е да го започнете денот со здрав појадок. На тој начин ќе ги започнете дневните активности сити и полни со енергија. Ви претставуваме едноставен рецепт за смуди од нашиот омилен готвач Џејми Оливер.
Потребни состојки:
- 2 круши
- 6 семки кардамом
- 500 милилитри млеко од овес
- 100 грама јогурт
- 2 лажички мед
- 2 лажички полен
Начин на подготовка:
Ноќта пред да го испиете смудито измијте ги и излупете ги крушите, па оставете ги во замрзнувач. Семките кардамом иситнете ги во аван. Иситнетите семки, крушите, јогуртот, млекото од овес и медот ставете ги во блендер и мешајте до посакуваната текстура. Ставете го смудито во чаши и посипете го со полен.
