Научниците утврдија дека глобалното затоплување ќе предизвика ширење на 4.000 вируси меѓу луѓето и животните до 2070 година.
Една нова студија откри дека глобалното затоплување ќе предизвика ширење на нови вируси меѓу животинските видови и дека новите заразни болести ќе го зголемат ризикот од прескокнување од животни на луѓе.
Истражувањето, објавено во списанието „Природа“, се занимавало со тоа како климатските промени може да имаат влијание врз преносот на болести меѓу цицачите.
Научниците изјавија дека глобалното затоплување ќе принуди повеќе од 3.000 видови цицачи да мигрираат, а средбата на овие видови ќе предизвика ширење на 4.000 вируси до 2070 година.
Според истражувањето, 90 отсто од овие средби ќе бидат преку лилјаци, а повеќето ќе се случуваат во Југоисточна Азија.
Компјутерското моделирање беше искористено за да се предвиди каде ќе се случат средбите на видовите.
Грег Албери, еден од авторите на студијата, рече дека секој од овие вируси веројатно ќе влијае на здравјето на животните и ќе се шири меѓу луѓето.
Албери подвлече дека ширењето на 4.000 вируси не значи нови епидемии со големина на епидемијата на КОВИД-19.
