Необично голем метеор вчера накратко го осветлил небото над Норвешка, оставајќи зад себе спектакуларен визуелна, но и звучна трага.
Извештајот за прелетувањето на метеорот дошло во 1 час по полноќ, а на социјалните мрежи започнаа да се објавуваат видео снимки од овој редок настан.
Meteor in norway today pic.twitter.com/sAKVvbHgg2
— playwell Depy (@depyvfx) July 25, 2021
Норвешката мрежа за следење метеори во неделата анализирала видеа и други податоци, обидувајќи се да ги утврди потеклото и дестинацијата на овој метеор.
Video av meteoren, fra @meteornettverk inatt. pic.twitter.com/hayrVTJyU9
— astronewth (@astronewth) July 25, 2021
Прелиминарните податоци покажуваат дека постоела можност метеорот да ја погоди Земјата во големото пошумено подрачје на Финамарк, на само 60 километри западно од главниот град Осло, објави норвешката мрежа за набудување на метеорите.
Научниците пресметале дека метеорот се движел со брзина од 15-20 километри во секунда и го осветлил ноќното небо за пет до шест секунди.
Инаку, во извештаите не се споменува дека е направена некаква материјална штета или дека некој особено бил вознемирен од овој настан.
