Преку спроведување на економските реформи и капитални инвестиции во здравството, образованието и социјалната грижа, може да се намали нееднаквоста и да се постигне праведен систем за сите, со што ќе се намали разликата меѓу сиромашниот и богатиот слој граѓани, беше речено на денешната средба на холандско – белгиската конституенца на ММФ и Светска Банка, чиј домаќин е Скопје.
Премиерот Заев истакна дека Република Северна Македонија преку спроведување на економските реформи и успешните фискални политики за последните две години, покажува дека е вложено во градењето на праведно општество со еднакви можности за сите.
Министерот за финансии, Драган Тевдовски рече дека владата веќе презела чекори за промена на фактичката состојба.
Директорите на ММФ и Светска Банка, Антони де Ланој и Кун Давидсе, задолжени за холандско – белгиската конституенца, велат дека земјава направила позитивни реформи кои ќе дадат резултати како во економијата така и за политиката во земјава.
Инаку на средбата на холандско – белгиската конституенца во Скопје учествуваа над 70 министри за финансии, гувернери на централни банки, високи претставници на министерствата за финансии и централните банки.
РЕПОРТЕР: ВАЉМИРА ЗЕНДЕЛИ
The post Средба на конституенцата на ММФ и Светска банка – нееднаквоста се намалува со инвестиции во клучните сектори appeared first on ТВ21.