Во објава на својата официјална страна на фејсбук, градоначалникот на општина Гази Баба Бобан Стефковски информира дека повторно има дојави за бомби во пет училишта во Гази Баба.
Во објавата Стефковски напиша:
„Со жалење сакам да ја информирам јавноста дека пред 10 минути во општинските основни училишта 25 Мај, Дане Крапчев, Григор Прличев, Кирил и Методиј и Крсте Мисирков се пристигнати дојави за поставени бомби.
Спроведени се сите безбедносни протоколи, направена е евакуација и сите дечиња се на безбедно.
Пријавено е во надлежните институции и се очекува да се проверат дојавите.
Сакам да изразам најостра осуда кон испраќачите на овие дојави и барам од институциите час поскоро преку превземање на сите мерки кои им стојат на располагање да стават крај на ваквите појави“. – напиша Стефковски