Откако беше отстранет од судница Љупчо Палевски – Палчо, првообвинет во случајот со грабнувањата и убиствата на Панче Жежовски и Вања Ѓорчевска, се врати во судница. Тој на барање на адвокатот на Влатко Кешишев, поради тоа што неговиот клиент, како што кажа, немало да може да ја збори вистината ако Палчо бил во судница беше отстранет.
Подоцна Палчо беше вратен во судница, кога судијата го читаше исказот на Кешишев од претходно, а Палчо запишуваше.
„Полека диктирај, се да запишам“, рече Палчо на судијата.
Кешишев на денешниот исказ кажа дека го видел Палчо како држи пиштол при убиството на Вања, и дека не знае оти Панче бил убиен, бидејќи не бил на местото. Кажа дека заедно со Манев ја копале дупката во Велес, но мислел оти барале злато.
Во неговиот телефон Палчо му бил запишан како „Царот“, и во судница призна дека го слушал Палевски се што ќе му нареди.
