Ако е речиси невозможно да се сушат алиштата надвор во зима, експертите предупредуваат дека сушењето мокра облека во просториите каде што престојуваме може да влијае на нашето здравје.
Сушењето алишта во слабо проветрени простории може да создаде идеални услови за раст на мувлата, што претставува потенцијален ризик по здравјето.
Мувлата, која може да се препознае по темните дамки на ѕидовите и карактеристичниот застарен мирис, најдобро успева на ладни и влажни места. Микроскопските спори кои ги испушта лесно се шират низ воздухот, а долготрајната изложеност може да доведе до сериозни здравствени проблеми, пишува Индепендент.
Бањите и влажните ѕидови се погодни за растење на мувла поради високата влажност, па затоа е неопходна соодветна вентилација за да се спречи нејзиното ширење.
Најчестите типови на мувла во домовите се пеницилиум и аспергилус, и иако здравите луѓе обично не се засегнати, луѓето со ослабен имунолошки систем се изложени на поголем ризик. Мувлата може да ја влоши астмата, цистичната фиброза и хроничната опструктивна белодробна болест, а во екстремни случаи да предизвика воспаление и блокирање на дишните патишта.
Како да се спречи растот на мувлата?
Правилната вентилација е клучна за спречување на растот на мувлата во домот. Покрај вентилацијата, се препорачува да се користи и одвлажнувач и загреана машина за сушење алишта за да се намали влажноста во просторијата.
