Оригинално напишана и изведена од Игор Џамбазов, песната „Време за плачење“ добива ново, емотивно руво.
Во оваа верзија, вокалната изведба е на Тамара Тодевска, а аранжманот и продукцијата се дело на Роберт Билбилов. Песната е објавена преку светски познатата продукциска куќа Cafe De Anatolia.
Новата интерпретација е посветена на жртвите од трагедијата што се случи на 16 март во Кочани, и претставува трогателен музички омаж на загинатите.
Со силен емотивен набој, оваа верзија на „Време за плачење“ зборува таму каде што тишината боли, пренесувајќи порака на сочувство, љубов и вечна почит.