Претседателот на Соединетите Американски Држави, Доналд Трамп, денеска ќе оствари телефонски разговор со рускиот претседател Владимир Путин, а темата ќе биде војната во Украина, пренесува „Аксиос“, повикувајќи се на добро информиран извор.
Разговорот се очекува да се одржи само еден ден пред средбата на Трамп со украинскиот претседател Володимир Зеленски во Белата куќа.
Според изворите, на средбата со Зеленски ќе се разговара за можноста Украина да добие американски ракети со долг дострел од типот „Томахавк“, како дел од поддршката за нејзината одбрана.
