Американскиот претседател Доналд Трамп денес изјави дека Кина се согласила да го започне процесот на купување енергија од САД.
„Всушност, може да има многу голема трансакција поврзана со купување нафта и гас од големата држава Алјаска. Крис Рајт, Даг Бургам и нашите енергетски тимови ќе се состанат за да видат дали може да се постигне таков енергетски договор“, напиша Трамп во објава на Truth Social, пренесува Ројтерс.
Кина досега избегнуваше увоз на сурова нафта од САД и препродаваше американски течен природен гас од почетокот на оваа година, бидејќи високите тарифи наметнати од владата во Пекинг ги направија тие купувања непрофитабилни.
Соединетите Американски Држави учествуваа со околу пет проценти од увозот на течен природен гас (LNG) во Кина и два проценти од увозот на сурова нафта минатата година, според податоците од кинеската царина.
