Претседателот на Соединетите Американски Држави, Доналд Трамп, предложи федералните пари што моментално одат кај компаниите за здравствено осигурување според Законот за прифатлива здравствена заштита да бидат пренасочени директно кон граѓаните.
„Им препорачувам на републиканците во Сенатот стотиците милијарди долари што моментално се испраќаат до осигурителните компании, со цел да се спаси лошата здравствена заштита што ја обезбедува „Обамакер“, да бидат испратени директно до луѓето за да можат да купат своја, многу подобра здравствена заштита и да им останат пари“, напиша Трамп на социјалните мрежи.
Претседателот на САД додаде дека таков потег би одзел средства од „големите, лоши осигурителни компании“ и би им ги дал на граѓаните, што, според неговите зборови, би го укинало „најлошото здравствено осигурување насекаде во светот“.
