Американскиот претседател Доналд Трамп изјави дека неговата порака до рускиот лидер Владимир Путин е дека војната во Украина мора да заврши, по, како што рече, „добри“ разговори со украинскиот претседател Володимир Зеленски во Давос во четвртокот.
Американски и украински претставници со недели интензивно водат „шатл-дипломатија“ додека Киев се соочува со притисок од Трамп да обезбеди мир во речиси четиригодишната војна, и покрај малкуте знаци дека Москва сака да престане со борбите.
По средбата со украинскиот лидер што траела околу еден час, Трамп изјави дека имале „добар“ разговор, но не откри дополнителни детали за содржината. Во средата Трамп рече дека договорот е „разумно близу“.
„Мислам дека средбата со претседателот Зеленски беше добра. Тоа е процес што трае“, изјави Трамп за новинарите, додавајќи дека американски пратеници во четвртокот патуваат на разговори во Москва. На прашањето која е неговата порака до Путин, Трамп одговори: „Војната мора да заврши.“
Немаше назнаки дека е постигнат напредок
traЗеленски претходно оваа недела изјави дека ќе патува во Давос само ако може да потпише договори со Трамп за американски безбедносни гаранции и финансирање на поратната обнова на Украина, но по средбата немаше индикации дека е постигнат напредок.
Трамп се откажа од воведување нови царини на европските држави: Ја образложи својата одлука
Двајцата лидери отприлика шест пати се сретнале лице-в-лице откако Трамп минатата година се врати во Белата куќа и ја промени американската политика кон Украина, прифаќајќи дипломатија со Русија.
