Администрацијата на Трамп бара одобрение од Конгресот за продажба на оружје во Израел во вредност од речиси 6 милијарди долари, објави денес „Волстрит џурнал“.
Предложената продажба вклучува договор од 3,8 милијарди долари за 30 хеликоптери „АПАЧИ“ „АХ-64“ и договор од 1,9 милијарди долари за 3.250 пешадиски јуришни возила за израелската армија, објави „ВСЈ“, повикувајќи се на извори запознаени со ова прашање.
Оружјето веројатно нема да биде испорачано уште две до три години, објави „ВСЈ“.
Според документите што ги видел весникот, оружјето ќе биде платено од програма за финансирање на странска војска обезбедена од САД.
Продажбата е предложена пред еден месец
Повикувајќи се на извори запознаени со ова прашање, во извештајот се вели дека Стејт департментот бара одобрение од четирите водечки републикански и демократски лидери во Комитетот за надворешни работи на Претставничкиот дом и Комитетот за надворешни односи на Сенатот.
Предложената продажба на оружје првпат им била доставена на конгресните лидери пред околу еден месец, пред нападот на Израел врз лидерите на Хамас во Катар на 9 септември, според извештајот.
Од тој напад на израелските сили, администрацијата сè уште бара одобрение за продажба, велат извори цитирани во извештајот.
Читај и ова:
- 1.Сончево со мала до умерена локална облачност, температурата до 20 степени
- 2.Како да спиете со затнат нос? Обидете се со овие метод
- 3.Го славиме Свети Јован Богослов, апостол и евангелист
- 4.Дневен хороскоп – четврток – 9 октомври 2025 година
- 5.Финансиските друштва со рекордни 150 милиони евра кредити кон населението
