Американскиот претседател Доналд Трамп изјави во вторникот дека најверојатно ќе воведе санкции кон Русија доколку рускиот претседател Владимир Путин одбие да преговара за крај на војната во Украина. Трамп не образложи за можните дополнителни санкции.
Соединетите Држави веќе строго ја санкционираа Русија за нејзината инвазија на Украина во февруари 2022 година.
Трамп рече дека неговата администрација исто така размислува да испрати оружје во Украина, додавајќи дека Европската унија треба да стори повеќе за да ја поддржи Украина, да плати повеќе и да ги усогласи трошоците.
„Разговараме со украинскиот претседател Володимир Зеленски, наскоро ќе разговараме со претседателот Путин“, рече Трамп.
Трамп рече дека извршил притисок врз кинескиот претседател Си Џинпинг да повика на интервенција за да се запре војната во Украина.
„Тој не направи многу за тоа. Тој има голема … моќ, како што имаме голема моќ. Јас реков: „Треба да се справиш со тоа. Разговаравме за тоа“.
