Претседателот на Соединетите Американски Држави, Доналд Трамп, денес изјави дека ги прекинува трговските преговори со Канада, наведувајќи дека земјата „измамила и била фатена“, поради емитувањето на негативна телевизиска реклама за царините што беше емитувана во канадската покраина Онтарио.
„Канада измами и беше фатена! Тие измамнички создадоа голема реклама во која се наведува дека поранешниот американски претседател Роналд Реган не ги сака царините, кога всушност му се допаѓаа царините за нашата земја и нејзината национална безбедност. Канада се обидува нелегално да влијае врз Врховниот суд на Соединетите Американски Држави во една од најважните пресуди во историјата на нашата земја“, рече Трамп во објава на платформата Truth Social, осврнувајќи се на судскиот процес во врска со неговото воведување царини за голем број земји.
Трамп рече дека Канада „долго време измамила во врска со царините“ и дека им наплаќала на американските земјоделци дури 400 проценти од царината.
