Скандалите поврзани со непотизам, продолжуваат . За политичките партии ова прашање се претвори во воено поле објавувајќи имиња на лица кои се вработени на разни позиции. ВМРО-ДПМНЕ објави за уште двајца други пратеници од СДСМ кои вработиле свои блиски луѓе, а како што велат од таму, следниве денови ќе објавата и нови случаи.
Битолчани денеска го искористија случајот и побараа отчет од министерката Шеќеринска во врска со ова прашање.
Шеќеринска одговарајќи на прашањето рече дека непотизмот и партиските вработувања треба да останат во минатото и дека владата се бори да се вработуваат луѓе по заслуга со цел да се зачуваат квалитетните кадри во државава.
Инаку, СДСМ минативе недели беше обвинета за непотизам, а во врска со бројните реакции кои се појавија на социјалните мрежи, премиерот Заев побара од пратениците, нивните блиски да се повлечат. Но, и по ваквото барање, повеќето високи државни функционери не презедоа ништо.
РЕПОРТЕР: АРМЕНД ГАШИ