Бикот Мишко, кој со месеци создаваше проблеми на жителите на Грачац, уништувајќи имот и влегувајќи во дворовите, е усмртен. Одлуката ја донесоа полицијата и Ветеринарската инспекција на Државниот инспекторат откако утврдија дека животното е опасно за луѓето, објавува Нет.хр.
Откако приказната за агресивниот бик стигна во медиумите, надлежните служби излегоа на терен. Утврдиле дека бикот, за кого новиот сопственик не дошол со месеци, претставува опасност. Врз основа на Законот за заштита на животните и Законот за општа управна постапка, по итна постапка е издадена мерка за негово усмртување.
Одлуката веднаш е спроведена за време на вчерашниот инспекциски надзор, па Мишко не го дочека утрото во Грачац. Таквиот исход ги изненади жителите кои го пријавиле. Иако поради бикот трпеле штета, истакнуваат дека не очекувале таков крај и дека тоа не им било желба.
Против сопственикот на животното, кој не се грижел за него, ќе биде покрената и прекршочна постапка.
Да потсетиме, семејството Микиќ во последните девет месеци дури пет пати повикало полиција. Бикот им уништил пет овошки и оштетил нов автомобил.
„Вчера целата крушка ја извади свежа. Ја ископа со нозе и ја фрли таму“, раскажува Тунја Микиќ. Средбата со Мишко, велат, ја лади крвта. „Кога почнува да јаде, одиш, не смее да се прави нешто, бегај, подобро е да бегаш каде знаеш“, сликовито опишува Тунја.
