Управата за хидрометеоролошки работи (УХМР) издаде официјално предупредување за денешниот и утрешниот ден (07-08.01.2026). Активиран е жолт хидро-аларм за западниот и југозападниот дел од државата, каде постои потенцијална опасност од излевање на реките.
Според картата за хидро-аларм објавена од УХМР, територијата на Македонија е хидролошки поделена на две зони:
Се вчитува...
- ЖОЛТА ЗОНА (Потенцијално опасно): Ги опфаќа сливот на реката Вардар (горниот тек), Црн Дрим и сливот на Црна Река. Ова значи дека целиот западен појас – од Полог (Тетово, Гостивар), преку Скопско, па сè до Охридско-струшкиот регион и Пелагонија (Битола, Прилеп) е под ризик.
- ЗЕЛЕНА ЗОНА (Нема опасност): Источниот и југоисточниот дел на државата (Куманово, Штип, Струмица) засега се безбедни и таму нема опасност од излевања.
Што значи жолтото ниво?
Од УХМР појаснуваат дека „жолтото ниво“ означува:
„Постои потенцијална опасност од локално излевање на реките и суводолиците.“
Ова предупредување доаѓа во момент кога веќе пристигнуваат информации за поплави во Кичево и Битола, потврдувајќи ја прогнозата за зголемен водостој во овие региони. Граѓаните во „жолтата зона“ се повикуваат на зголемена внимателност покрај водотеците.
