Украинскиот систем за пренос на гас ГТСОУ објави дека ќе го прекине преносот на руски гас преку влезната точка Сохранивка, една од двете клучни точки за снабдување на Европа со руски гас, поради виша сила од 11 мај.
И покрај руската инвазија која започна на 24 февруари, Украина останува важна транзитна рута за пренос на руски гас во Европа.
ГТСОУ објави дека не може да продолжи со работа на компресорската станица Новопсков поради „мешање на окупаторските сили во техничките процеси“.
Компресорската станица Новопсков во областа Луганск во источна Украина падна во рацете на Русија веднаш по почетокот на инвазијата. Тоа е првата компресорска станица во Луганск, транзитна рута за околу 32,6 милиони кубни метри гас дневно, една третина од рускиот гас што се транспортира во Европа преку Украина.
„Со цел целосно да се исполнат транзитните обврски кон европските партнери и во согласност со договорот, можно е привремено да се префрли недостапниот капацитет од физичката интерконективна точка Сохранивка на физичката интерконективна точка Суџу која се наоѓа на територијата контролирана од Украина“, соопшти ГТСОУ.
