Папата Франциск помина мирна ноќ во болница и појадуваше денеска, соопшти Ватикан во најновиот извештај за кревкото здравје на папата.
Франциск има билатерална пневмонија, соопшти во вторникот Ватикан, што го отежнува лекувањето на 88-годишниот папа, кој беше примен во римската болница Гемели на 14 февруари. Билатералната пневмонија е сериозна инфекција која може да предизвика воспаление и лузни на двете бели дробови и да го отежне дишењето. Ватикан во понеделникот соопшти дека лекарите по втор пат ја смениле терапијата на папата за време на неговиот престој во болница за да одговорат на сложената клиничка слика. Франциск, кој е папа од 2013 година, неколкупати имал грип и други здравствени проблеми во последните две години.Како млад му се појавил плеврит и морал да му биде отстранет дел од едното белодробно крило, а во последно време е склон на белодробни инфекции.
